Оқу құралында кәсіпорын қызметіне экономикалық талдау жүргізудің негізгі тәсілдері мен әдістері баяндалған. Басқару (фирмаішілік), сондай-ақ сыртқы (қаржылық) талдауда пайдаланылатын неғұрлым маңызды экономикалық көрсеткіштер мен оларды бағалау тәсілдері келтірілген. Оқу құралы екі бөлімнен тұрады. Бірінші бөлімде кәсіпорын қызметін экономикалық талдаудың теориялық негіздері оның мәні, әдісі, функциялары, принциптері, міндеттері және әдістемесі туралы жалпылама білім жүйесі ретінде ұсынылған; негізгі аналитикалық құралдар; бір өлшемді және көп өлшемді салыстырмалы талдау жүргізу әдістемесі, факторлық талдау жүргізу ерекшеліктері; шаруашылық резервтердің шамасын анықтау және бағалау тәсілдері; кәсіпорындарда талдау жұмысын ұйымдастыру мәселелері қарастырылған. Жоғары оқу орындары мен колледждердің экономикалық мамандықтарының студенттеріне, магистранттарына, докторанттарына, сондай-ақ кәсіби даярлау және экономикалық және қаржылық бағыттағы біліктілігін арттыру жүйесінің оқытушыларына, тыңдаушыларына, кәсіпорындардың қаржы-экономикалық қызметтерінің мамандарына, сарапшыларға, бизнес-талдаушылар мен кәсіпкерлерге арналған.